КАКО ФУНКЦИОНИРА ГЕОТЕРМИЈАТА

Геотермален систем за греење и ладење

Без оглед на времето и климата, геотермијата секогаш е достапна, а со тоа важи за најнезависна форма на регенеративна енергија. Енергијата акумулирана во почвата е достапна веќе на длабочина од 1,5 m. , а на длабочина од 10 метри во текот на целата година најчесто постои константна температура од приближно. 10 ° C, што се зголемува на секои 100 метри во длабочина за приближно 3 ° C.

Уште од времето на Римското царство, геотермалната енергија се користела за загревање на зградите. Во последниве години терминот геотермално греење се однесува на греење и ладење на просторот користејќи топлински пумпи. Таквите геотермални системи се способни за пренос на топлина “од” и “во” земјата со минимална потрошувачка на електрична енергија. Дури и со високи почетни трошоци, инвестицијата релативно брзо се враќа. Тие не ја загадуваат животната средина и се еден од најефикасните системи за греење и ладење. Најголемиот геотермален систем за греење се наоѓа во Исланд, во главниот град Рејкјавик, во кој речиси сите објекти користат геотермална енергија. Геотермалната енергија исто така се користи во земјоделството за да се зголемат приносите. Водата од геотермалните резервоари се користи за загревање на стаклениците за производство на цвеќиња и градинарски култури. Греењето на стаклениците не се однесува само на греењето на воздухот, туку и на почвата на која растат растенијата.